សន្ទនាមតិ

ឃុំស្រកត្រឹមឆ្នាំ២០១៩នេះ ទទួលបានភ្លើងអគ្គិសនីប្រើជិត៨០%

53066221 2028967710555803 450474007003660288 n

ប្រជាពលរដ្ឋរស់នៅក្នុងឃុំស្រកនៅសេសសល់ប្រហណជាង២០%ដែលកំពុងទទឹងរង់ចាំភ្លើងអគ្គិសនីប្រើប្រាស់ជាយូរណាស់មកហើយត្រូវអាជ្ញាធរមូលដ្ឋានបានអោយដឹងថាក្នុងឆ្នាំ២០១៩នេះ ប្រជាពលរដ្ឋដែលរស់នៅទូទាំង ឃុំស្រកនឹងទទួលបានភ្លើងអគ្គិសនីប្រើប្រាស់ទាំងអស់គ្នា ដើម្បីរួមចំណែកកាត់បន្ថយកាលំបាក លើកកម្ពស់ជីវភាពគ្រួសារ និងកាន់តែរីកចំរើនជាងមុនបន្តទៅទៀត។

លោក សក់ ភ័ណ្ឌ មេឃុំស្រកមានប្រសាសន៍ក្នុងកម្មវិធីវិទ្យុជាតិថា គិតត្រឹមដំណាច់ឆ្នាំ២០១៨ កន្លងទៅក្នុងឃុំប្រជាពលរដ្ឋដែលមានភ្លើងអគ្គិសនៅប្រើមាន៨០% នៅខ្វះតែ២០% ចំពោះប្រជាពលរដ្ឋដែលមិនទាន់ភ្លើងបានអគ្គិសនីប្រើអាជ្ញាធរមូលដ្ឋាន និងអាជ្ញាធរស្រុកកំពុងតែដុតដៃដុតស្នើរសុំទៅភាគ្គីក្រុមហ៊ុនអគ្គិសនីជាបន្តទៀត យ៉ាងយូរនៅត្រឹមឆ្នាំ២០១៩នេះ នឹងមានភ្លើងប្រើគ្រប់ខ្នងផ្ទះ និងគ្រប់ភូមិ។លោកបន្តថា ឃុំស្រកមាន៤ភូមិ ក្នុងនោះមានពីរភូមិដែលទទួលបានភ្លើងអគ្គិសនីច្រើនជាងគេ គឺភូមិ ស្រក និងភូមិសុភាំង ស្ទើរតែគ្រប់ខ្នងផ្ទះបានទទួលភ្លើងអគ្គិសនីប្រើ ដោយស្ថិតក្រោមការគ្រប់គ្រងរបស់ក្រុមហ៊ុន វ៉ាន រុន ។

លោកបញ្ជាក់ថា ដោយឡែក  ភូមិ ល្ពៀក និងភូមិព្រែកគុយចំនួនអ្នកដែលទទួលបានភ្លើងប្រើនៅមានចំនួនតិចតួចជាងគេ បណ្តាលមកពី ភូមិទាំងពីរនេះស្ថិតក្រោមការគ្រប់គ្រងរបស់ ក្រុមហ៊ុន ឃុន សំបូរ នៅជាប់រាំងស្ទះតបណ្តាញភ្លើងនៅឃុំទ្រាន និង ស្រុកចំការលើរ យ៉ាងវិញទៀត ផ្ទះដែលនៅសេសសល់ប្រមាណជាង២០%ទាំងអស់នោះ គឺនៅឆ្ងាយពីគ្នា និងនៅកន្លែងខ្លះទៀត ខាងក្រុមហ៊ុនមិនទាន់បោះបង្គោលចូលទៅដល់នៅឡើយ។

ទោះបីយ៉ាងណា អាជ្ញាធរឃុំ និងអាជ្ញាធរស្រុក គូសបញ្ជាក់បន្ថែមថា សព្វថ្ញៃកំពុងតែខិតខំស្នើរសុំទៅក្រុមហ៊ុន ឃុន សំបូរ ឲ្យរុះរាន់តបណ្តាញភ្លើងជូនប្រជាពលរដ្ឋឲ្យបានគ្រប់ភូមិ គ្រប់ខ្នងផ្ទះ នៅឆ្នាំ២០១៩នេះមិនឲ្យលើស  ពីនេះបានទៀតទេ  ដើម្បីឲ្យការរស់នៅរបស់ប្រជាពលរដ្ឋកាន់តែរីកចំរើន ធូរធារ និង លើកកម្ពស់ប្រាក់ចំណូលប្រជាពលរដ្ឋតាមរយះការប្រើប្រាស់ភ្លើងអគ្គិសនីនេះ។ ដោយ (ភ័ណ្ឌ ប៉ាង)

ពិធីមាឃបូជាត្រូវបានប្រារពឡើង គ្រប់ទាំង៣៧៧វត្ត ក្នុងខេត្តកំពង់ចាម

52320333 2027435180709056 7086277601211187200 n

នៅថ្ងៃ១៥ ខែមាឃ ពេញបូរមី ឆ្នាំ២០១៩នេះ គ្រប់អារាមទាំង ៣៧៧វត្ត បានរៀបចំប្រារព្វពិធីមាឃបូជា ដើម្បីរំលឹក រំឭកដល់ព្រឹត្តិការណ៍សំខាន់ៗមួយចំនួនដែលបានកើតឡើងនៅក្នុងសម័យពុទ្ធកាល។


លោក អ៊ុន សុផល អនុប្រធានមន្ទីរធម្មការនឹងសាសនាខេត្តកំពង់ចាម បានថ្លែងប្រាប់វិទ្យុជាតិភ្នំប្រុសភ្នំស្រី នៅថ្ងៃនេះថា ក្រោយពីបាន ផ្សព្វផ្សាយនូវសារាចរណ៍នែនាំរបស់មន្ទីរដើម្បីជម្រុញឲ្យមានការៀបចំពិធីមាឃបូជា ដល់គ្រប់វត្តអារាមក្នុងខេត្តរួចមក មកដល់ថ្ងៃ១៩ ខែកុម្ភៈ ត្រូវនឹងថ្ងៃ ១៥កើត ខែមាឃ នេះគ្រប់វត្តទាំងអស់ក្នុងខេត្តបានរៀបចំពិធីមាឃបូជាតាមលទ្ធិភាពរៀបៗខ្លួន ។


លោកបន្តថាតាមទំនាមពិធីមាឃបូជានេះជាពិធីបុណ្យជាតិដ៏ធំមួយសម្រាប់សាធារណៈជនពុទ្ធបរិស័ទ ប្រកាន់ព្រះពុទ្ធសាសនា ។ លោកថា វត្តខ្លះមានការចូលរួមច្រើនពីពុទ្ធបរិស័ទ មានការប្រារព្វពិធីនេះជាទ្រុងទ្រាយធំ អាចធ្វើពិធីទល់ភ្លឺ ហើយខ្លះ ទៀតធ្វើទៅតាមទំលាប់ នូវក្បាលប្រឡប់ជាដើម។
ព្រះធម្មសាលវង្ស សា វីរៈ ព្រះវិន័យធរណគខេត្ត នឹងជាព្រះអនុគណក្រុងកំពង់ចាម ព្រះអង្គមានថេរដីការថា ពិធីមាឃបូជាគឺ សម្តែងនូវកាតញូគុណចំពោះ ព្រះសម្មាសម្ពុទ្ធ  នឹងការរំលឹង ដល់ព្រះរាជសកម្មភាព ៣សំខាន់របស់ព្រះអង្គ គឺទី១ ថ្ងៃដែលបានមកចូលរួមចតុរង្គសន្និបាត ទី២ ថ្ងៃរំលឹកទៅដល់ពេលដែលព្រះពុទ្ធអង្គសម្ដែងនូវឱវាទបាតិមោក្ខប្រទានដល់ព្រះភិក្ខុសង្ឃជាអរហន្តទាំង ១២៥០អង្គ នឹងទី៣ រំឭកទៅដល់ថ្ងៃដែលព្រះសម្មាសម្ពុទ្ធទ្រង់ដាក់អាយុសង្ខារ។


ព្រះអង្គមានថេរដីការបន្តថា ដើម្បីសំដែងនូវ កាតាញូគុណចំណោះព្រះសម្មាសម្ពុទ្ធ ពុទ្ធបរិស័ទគាប់បីប្រកាន់ភ្ជាប់សីល ដូចជាសិល៥ សិល៨ ជាដើម ហើយគប្បីនាំគ្នាបដិបត្តិធម៌វិបស្សនាកម្មដ្ឋាន និងចម្រើនមេត្តាភាវនាផងដែរ ដើម្បីឧទ្ទិសកុសលផលបុណ្យទាំងអម្បាលម៉ាននេះ ជូនដល់បុព្វការីជន មាតាបិតា ជីដូនជីតា និងសព្វសត្វទាំងអស់ ឲ្យបានដល់នូវសេចក្តីសុខ ។

( ស៊ឹមខុនបញ្ញារ៉ា )

មន្ទីរផែនការខេត្តកំពង់ចាម ស្នើមន្ត្រីមូលដ្ឋាន ចូលរួមជំរុញការងារជំរឿន

52557689 2025916800860894 1361279817063858176 n

ដោយៈ លោក អឿន ស្រួ
កំពង់ចាមៈ ប្រធានមន្ទីរផែនការខេត្តកំពង់ចាមបានឲ្យដឹងថា ដើម្បីឲ្យការងារជំរឿនទទួលបានជោគជ័យ និងមានប្រសិទ្ធភាពមន្ទីរផែនការសុំឲ្យអភិបាលក្រុងស្រុកនិងអាជ្ញាធរតាមមូលដ្ឋានជួយជំរុញក្នុងកិច្ចការងារនេះ ដើម្បីទទួលបានជោគជ័យ មានភាពច្បាស់លាស់ ក្នុងការទទួលទិន្នន័យគ្រប់ជ្រុងជ្រោយ ប្រកបដោយគុណភាពខ្ពស់ ។


លោក ប៊ិ ប៊ុន្ថា ប្រធានមន្ទីរផែនការខេត្តកំពង់ចាម មានប្រសាសន៍ប្រាប់វិទ្យុជាតិខេត្តកំពង់ចាមថាការ ងារជំរឿនទូទៅប្រជាជននៅកម្ពុជាឆ្នាំ២០១៩នេះវិទ្យាស្ថានជាតិស្ថិតិបានធ្វើកិច្ចការជាមួយប្រធានមន្ទីរផែនការរាជធានី-ខេត្ត ហើយរំពឹងទុកថា នឹងទទួលបានភាពជោគជ័យ។  
លោកបន្តថា មន្ទីរផែនការសុំឲ្យអភិបាលក្រុងស្រុកនិងអាជ្ញាធរតាមមូលដ្ឋានជួយធ្វើការផ្សព្វផ្សាយឲ្យ បានទូលំទូលាយដល់ប្រជាពលរដ្ឋបានដឹងគ្រប់ៗគ្នា ហើយមន្ត្រីជំរឿនត្រូវយកចិត្តទុកដាក់បំពេញការ ងារឲ្យបានទាន់ពេលវេលាតាមផែនការសកម្មភាពដែលបានគ្រោងទុកប្រកបដោយគុណភាព ទទួល បានជោគជ័យ និងមានប្រសិទ្ធភាព ដើម្បីឆ្លើយតបទៅនឹងការចំណាយថវិការបស់ជាតិ។


លោក ប៊ិ ប៊ុន្ថា បានថ្លែងថា ជំរឿនជាការងារអព្យាក្រិត្យ មិនពាក់ព័ន្ធសកម្មភាពនយោបាយ ពន្ធដារ ដីធ្លី ឬអន្តោប្រវេសន៍ឡើយ និងមិនធ្វើឲ្យប្រជាជនខាតបង់ប្រាក់កាសទេ។ ផ្ទុយទៅវិញ ជំរឿន គឺជាការងារដើម្បីអនាគត និងភាពរីកចំរើនរបស់ប្រជាជន។

 

ការធ្វើជំរឿនទូទៅប្រជាជនបានប្រព្រឹត្តឡើងចំនួន៣លើករួចមកហើយគឺលើកទី១ឆ្នាំ១៩៦២ក្រោយមកបានខកខានអស់រយៈពេល៣៦ឆ្នាំបណ្តាលមកពីសង្គ្រាមក្នុងប្រទេស។លើកទី២ឆ្នាំ១៩៩៨និងលើក ទី៣នៅ ឆ្នាំ២០០៨ ហើយជំរឿនថ្នាក់ជាតិលើកទី៣នៅកម្ពុជា នឹងចាប់ផ្ដើមពីថ្ងៃទី០៣ ដល់ថ្ងៃទី១៣ ខែមីនា ឆ្នាំ២០១៩ ខាងមុខ។
សូមបញ្ជាក់ថា ការអនុវត្តការធ្វើជំរឿនប្រជាជននៅខេត្តកំពង់ចាម មានមន្ត្រីជំរឿន ចំនួនសរុប ៣២៣៥ នាក់៕

ប្រជាពលរដ្ឋគាំទ្រចលនាប្រឡងប្រណាំងឃុំ សង្កាត់បម្រើសេវាល្អរបស់ខេត្តកំពង់ចាម

51998512 2016299658489275 1707394038694412288 n

ដោយៈ លោក អឿន ស្រួ

ឯកឧត្តម ហាន កុសល អភិបាលរងខេត្តកំពង់ចាម មានប្រសាសន៍ប្រាប់វិទ្យុជាតិខេត្តកំពង់ចាម ថ្ងៃទី១២ ខែកុម្ភៈ ថា ការអនុវត្តការប្រឡងប្រណាំងឃុំ សង្កាត់ បម្រើសេវាល្អរបស់រដ្ឋបាលឃុំ សង្កាត់ ក្នុងខេត្តកំពង់ចាម ឆ្នាំ២០១៨ និងដើមឆ្នាំ២០១៩ នេះ មានការចូលរួមយ៉ាងផុសផុលពីចៅសង្កាត់ មេឃុំ នាយប៉ុស្តិ៍ ស្មៀនឃុំ ស្មៀនសង្កាត់ ដល់ខ្នងផ្ទះ និងបង្ហោះផ្សព្វផ្សាយទៅក្នុងប្រព័ន្ធផ្សព្វផ្សាយសង្គមហ្វេសប៊ុក (Facebook) ជាពិសេសមានការគាំទ្រពីប្រជាពលរដ្ឋគ្រប់រូបនៅតាមមូលដ្ឋាន និងនៅតាមបណ្តាញសង្គមហ្វេសប៊ុក (Facebook)។ ជាលទ្ធផលក្នុងការអនុវត្តបម្រើសេវាល្អរបស់រដ្ឋបាលឃុំ សង្កាត់ បានអនុវត្តគ្រប់រដ្ឋបាលឃុំ សង្កាត់ទាំងអស់ (មិនមានឃុំសង្កាត់ណាមិនបានអនុវត្តទេ)។


ឯកឧត្តមបានបញ្ជាក់ថា រដ្ឋបាលខេត្តបានដាក់ចេញនូវចលនាប្រឡងប្រណាំងឃុំ សង្កាត់បម្រើសេវាល្អរបស់ខេត្តកមពង់ចាម ដោយតម្រូវឲ្យមេឃុំ ចៅសង្កាត់ទាំង ១០៩រូប អនុវត្តការផ្តល់សេវាសាធារណៈសំខាន់ៗចាំបាច់ជូនប្រជាពលរដ្ឋនៅមូលដ្ឋានឲ្យដល់ខ្នងផ្ទះ នូវសេវាសាធារណៈចំនួន ៧មុខគឺ៖
-ការចុះសំបុត្រកំណើត -ការចុះសំបុត្រអាពាហ៍ពិពាហ៍ -ការចុះសំបុត្រមរណភាព -ការចុះបញ្ជីឈ្មោះស្នាក់នៅអចិន្រ្តៃយ៍(ក១) -ការផ្តល់សៀវភៅស្នាក់នៅ(ក២) -ការចុះឈ្មោះក្នុងបញ្ជីគ្រួសារ(ក៣) និង -ការផ្តល់សៀវភៅគ្រួសារ(ក៤)។


កិច្ចការទាំងនេះតម្រូវឲ្យចៅសង្កាត់ មេឃុំ ស្មៀនឃុំ ស្មៀនសង្កាត់ នាយប៉ុស្តិ៍រដ្ឋបាលឃុំ សង្កាត់ត្រូវអនុវត្តជូនប្រជាពលរដ្ឋដោយផ្ទាល់ និងដល់ទីកន្លែងស្របតាមលិខិតបទដ្ឋានគតិយុត្ត និងខ្លឹមសារណែនាំនានា។


ឯកឧត្តម ហាន កុសល បានរំរឹកថា ផ្អែកតាមយុទ្ធសាស្រ្តចុតុកោណដំណាក់កាលទី៤ របស់រាជរដ្ឋាភិបាល នីតិកាលទី៦ នៃរដ្ឋសភា និងយោងតាមគោលនយោបាយកំណែទម្រង់របស់រាជរដ្ឋាភិបាលកម្ពុជា ផ្តោតលើការកែទម្រង់ការផ្តល់សេវាសាធារណៈនៅថ្នាក់ក្រោមជាដែលបានកំណត់ថា «បម្រើប្រជាពលរដ្ឋឲ្យកាន់តែល្អប្រសើរឡើងដើម្បីសុខមាលភាពរបស់ប្រជាពលរដ្ឋ និងវិបុលភាពប្រទេសជាតិយើង» ប្រកបដោយតម្លាភាព ប្រសិទ្ធភាព និងប្រសិទ្ធផល ដោយឈរលើគោលការណ៍ អភិបាលកិច្ចល្អ៕

ប្រជាពលរដ្ឋក្នុងខេត្តកំពង់ចាម ប្រើប្រាស់ទឹកស្អាត ៨០% និងយល់ដឹងសុខភាព-អនាម័យ ៦០ភាគរយ

51540075 2014894828629758 1292611957244821504 n

ប្រជាពលរដ្ឋកម្ពុជានៅតាមតំបន់ជនបទចាប់ផ្តើមយល់ដឹងពីបញ្ហាទឹកស្អាតអនាម័យច្រើនខណៈ ដែលមន្រ្ដីជំនាញបានចុះអប់រំផ្សព្វផ្សាយដល់ប្រជាពលរដ្ឋអំពីបញ្ហាទឹកស្អាតអនាម័យកាន់តែ       ប្រសើរជាងមុននេះបើតាមការឲ្យដឹងពីលោកស្រីប៊ុនស្រ៊ីមអនុប្រធានការិយាល័យថែទាំសុខភាពជនបទ នៃមន្ទីរអភិវឌ្ឍន៍ជនបទ។

លោកស្រីប៊ុនស្រ៊ីមថាបញ្ហាកង្វះអនាម័យនិងទឹកស្អាតបានធ្វើឱ្យប្រជាជនពិសេសអ្នករស់នៅតំបន់ជនបទជួបប្រទះ ជំងឺជាច្រើន ដែលបណ្តាលមកពីការប្រើប្រាស់ប្រភពទឹកកង្វក់ គ្មានបង្គន់ប្រើប្រាស់ និងមិនមានទម្លាប់លាងដៃជាមួយនឹងសាប៊ូ។លោកស្រីបន្តថាបញ្ហាទាំងនេះបានធ្វើឱ្យប៉ះពាល់ដល់សេដ្ឋកិច្ចគ្រួសារនិងឈានទៅប៉ះសេដ្ឋកិច្ចជាតិទាំងមូល។លោកស្រីបន្តែមថានៅពេលប្រជាពរដ្ឋមានការយល់ដឹងពីបញ្ហាទឹកស្អាតអនាម័យច្រើននេះនិងបានចូលរួមចំណែក កាត់បន្ថយ ភាពក្រីក្រជាមួយនឹងរាជរដ្ឋាភិបាលបានយ៉ាងច្រើន។


លោកស្រីប៊ុនស្រ៊ីមបញ្ជាក់ថាផែនការរំកិល៥ឆ្នាំបានកំណត់នៅឆ្នាំ២០០៣អត្រាគ្រប់ដណ្តប់អនាម័យទឹកស្អាត ឲ្យបាន៩០% និងឆ្នាំ២០២៥ឲ្យបាន១០០%។(លោក ធឹម សារ៉ន )

ក្នុងឆ្នាំ២០១៨ពលករធ្វើការចំណាកស្រុក មកដាក់ពាក្យបណ្ដឹង ចំនួន៣០ករណី

លោក សុខ ស៊ូហេង បុគ្គលិកគ្រប់គ្រង់នៃអ្នកការភ្នំស្រីដើម្បីអភិវឌ្ឍន៍ខេត្តកំពង់ចាម ថា នៅក្នុងឆ្នាំ២០១៨កន្លងទៅអង្កការភ្នស្រីដើម្បីអភិវឌ្ឍន៍បានទទួលពាក្យបណ្ដឹងឲ្យជួយដោះស្រាយបញ្ហា ពលករចំណាកស្រុកចំនួន៣០ករណី។
លោក សុខ ស៊ូហេង បានលើកឡើងបែបនេះក្នុងកម្មវិធី សន្ទនាមតិរបស់វិទ្យុជាតិភ្នំប្រុសភ្នំស្រី FM92.50ខេត្តកំពង់ចាម។

 

លោកសុខស៊ូហេងបន្តថាពលករបានមកដាក់ពាក្យបណ្ដឹងចំនួន៣០ករណី ប៉ុន្តែអង្កការបាន ដោះស្រាយ បានតឹ្រមតែ១៥ករណី ប៉ុណ្ណោះ។ លោកថា ពលករចំណាកស្រុកដោយខុសច្បាប់អាចជួបបញ្ហាប្រឈមនឹង ការបើកប្រាក់ខែ រំលោភបំពានផ្លូវភេទ និងការប្រើប្រាស់ហិង្សាក្នុងគ្រួសារជាដើម។

 

លោកបន្តថា ករណីពលករចំណាកស្រុកខុស ច្បាប់ទៅធ្វើការនៅប្រទេសថៃ និងការរៀបការទៅប្រទេសចិនខុសច្បាប់ ពិបាកក្នុងការជួយ រកដំណោះស្រាយ ដោយសារតែ មិនមាន ឯកសារត្រឹមត្រូវ ឬករណីបាត់ខ្លួនយូរហើយទើបក្រុមគ្រួសារមកប្ដឹង ដូចច្នេះធ្វើឲ្យ អង្កការ ឬអាជ្ញាធរពិបាកក្នុងការស្វែងរក។


លោកបន្តទៀតថាកន្លងមកអង្កការតែងតែធ្វើការសហការណ៏ជាមួយនឹងមន្ទីរការងារបណ្ដុះបណ្ដាលវិជ្ជាជីវៈខេត្តក្នុងការរៀបចំឯកសា ដើម្បីជួយសង្រ្គោះពលករដែលកំពុងជួបបញ្ហាប្រឈមនឹងចំណាកស្រុក ។

( កញ្ញា មួនធារី )

ឆ្នាំ២០១៩ឃុំអូរស្វាយគ្រោងធ្វើផ្លូវបេតុង ប្រវែង៥០០ម៉ែត្រនៅភូមិអំពិលក្រញ៉ាញ់

24 4

ដើម្បីទប់ទល់និងផ្លូវឧស្សាហរណ៏ខូចជាច្រើនលើកច្រើនសារដែលធ្វើឲ្យប៉ះពាល់ដល់ការចំណាយខ្ជះខ្ជាយនាពេលខាងមុននេះ អាជ្ញាធរឃុំអូរស្វាយ គ្រោងនឹងចាក់ផ្លូវបេតុង៥០០ម៉ែត្រ ជូនប្រជាពលរដ្ឋមួយខ្សែរនៅឆ្នាំ២០១៩ ខាងមុន ដើម្បីជួយសម្រួលដល់ការធ្វើដំណើរ របស់ប្រជាពលរដ្ឋ ដែល រយះកាលកន្លងមកតែងតែ ពិបាកផ្លូវធ្វើដំណើរនេះបើតាមការអោយ ដឹងពីលោកជាស៊ាងហេង មេឃុំអូរស្វាយ ។


លោក ជា ស៊ាងហេង មានប្រសាសន៏ថានៅឆ្នាំ២០១៩ឃុំនិងកសាងផ្លូវបេតុងជូនប្រជាពលរដ្ឋមួយខ្សែនេះ កន្លង មកប្រជាពលរដ្ឋតែងតែលើកឡើងថា ពិបាកធ្វើដំណើរ ដោយសារ មានកន្លែងខ្លះទឹក ហូរដាច់ផ្លូវនិងរងការខូចខាតយ៉ាងធ្ងន់ធ្ងរ។លោកបន្តថាផ្លូវនេះគ្រោងនឹងធ្វើជូនប្រជាពលរដ្ឋនាពេលឆាប់ៗខាងមុខនេះ មានប្រវែងជាង៥០០ ម៉ែត្រ ទទឹង ៤ ម៉ែត្រ កម្រាស់២.៥ មីលីម៉ែត្រមានទីតាំង ក្នុងភូមិអំពិលក្រញ្ញាញ់ ដែលតាមការប៉ានស្មានតំលៃគ្រោងចំណាយថវិការជាង១០០លានរៀល។


លោកមេឃុំអូរស្វាយបានបញ្ជាក់ថា កាលពីឆ្នាំ២០១៨ កន្លងទៅឃុំអូរស្វាយបានកសាងផ្លូវបេតុងមួយខ្សែរជូនប្រជាពលរដ្ឋដែលមានប្រវែង ៦៥៦ម៉ែត្រ ទទឹម ៤ម៉ែត្រ ក្នុងការកសាងផ្លូវមួយខ្សែរនោះ មាន ពីរគម្រោង មួយជារបស់ឃុំ និងថ្នាក់ស្រុក ផ្លូវបេតុងនេះឃុំធ្វើប្រវែង ៣១១ម៉ែត្រ ចំណាយថវិការអស់ ជាង៧២លានរៀល ហើយ គម្រោងរបស់ស្រុកកំពង់សៀមបានធ្វើបន្តពីឃុំ មានប្រវែង២៩៥ម៉ែត្រ ចំណាយថវិការជាង១២២លានរៀល ដែលផ្លូវមួយខ្សែរនេះបានដាក់ឲ្យប្រជាពលរដ្ឋប្រើប្រាស់កាលពីខែ វិច្ចការ ឆ្នាំ២០១៨ ថ្មីៗនេះ។(ភណ្ឌ័ប៉ាង )

អាជ្ញាធរខេត្តកំពង់ចាមជំរុញដល់អាជ្ញាធរ ពាក់ព័ន្ធបង្កើនការផ្សព្វផ្សាយពីការប្រែប្រួលអាកាសធាតុ

7875878551497649 1996350310484210 8724301376840007680 n

ដោយៈ លោក អឿន ស្រួ
អាជ្ញាធរខេត្តកំពង់ចាមបានជំរុញដល់មន្ទីរ អង្គភាព និងអាជ្ញាធរពាក់ព័ន្ធ ពិសេសមេឃុំទាំងអស់ត្រូវផ្សព្វផ្សាយ និងបញ្ជ្រាបការយល់ដឹងពីការបម្រែបម្រួលអាកាសធាតុទៅកាន់ប្រជាពលរដ្ឋឲ្យបានយល់ដឹង គ្រប់ៗគ្នា ដើម្បីបញ្ចៀសកត្តាហានិភ័យទាំងឡាយដែលបណ្តាលមកពីការបម្រែបម្រួលអាកាសធាតុនៅ រដូវប្រាំងឆ្នាំ២០១៩នេះ។


លោក នួន ណុយ អនុប្រធានលេខាធិការដ្ឋានអចិន្ត្រៃយ៍និងគ្រប់គ្រងគ្រោះមហន្តរាយខេត្តកំពង់ចាម បានប្រាប់វិទ្យុជាតិខេត្តកំពង់ចាមថា ដើម្បីឆ្លើយតបទៅនឹងការប្រែប្រួលអាកាសធាតុឆ្នាំ២០១៩ ឯកឧត្តម គួច ចំរើន អភិបាលនៃគណៈអភិបាលខេត្តកំពង់ចាម បានចាត់ឲ្យមន្ទីរ អង្គភាពពាក់ព័ន្ធ និងអាជ្ញាធរដែនដីគ្រប់លំដាប់ថ្នាក់ត្រូវផ្សព្វផ្សាយដល់ប្រជាពលរដ្ឋឲ្យប្រុងប្រយ័ត្នចំពោះការបម្រែបម្រួលអាកាសធាតុក្តៅខ្លាំង និងត្រូវរក្សាទឹកទុកឲ្យបានត្រឹមត្រូវ ហើយអាជ្ញាធរត្រូវត្រៀមលក្ខណៈជួយសង្គ្រោះប្រជាពលរដ្ឋដែលរងគ្រោះដោយគ្រោះធម្មជាតិនានាឲ្យបានទាន់ពេលវេលា។


បើយោងតាមសេចក្តីជូនដំណឹងរបស់ក្រសួងធនធានទឹកនិងឧតុនិយម ស្តីពីការព្យាករអាកាសធាតុលើកទី១ សម្រាប់រដូវប្រាំង និងដើមរដូវវស្សាឆ្នាំ២០១៩ បានបង្ហាញឲ្យឃើញថា នារដូវប្រាំង និងដើមរដូវវស្សាឆ្នាំ២០១៩នេះ ព្រះរាជាណាចក្រកម្ពុជានឹងទទួលរងឥទ្ធិពលពីបាតុភូតអែលនីណូ ធ្វើឲ្យអាកាសធាតុចាប់ពីខែកុម្ភៈ ដល់ខែឧសភា នឹងកើនកម្តៅជាលំដាប់ អាចហក់ដល់ ៤០៤២Co (ក្តៅខ្លាំងជាងឆ្នាំ២០១៨) និងមានភ្លៀងកក់ខែតិច៕

ខេត្តកំពង់ចាមគ្មានបញ្ហាដោយសារតបណ្តាញអគ្គិសនីខុសបច្ចេកទេសនោះទេ

50620555 1994952677290640 1009384818560991232 n

មន្ត្រីជំនាញមន្ទីររ៉ែនិងថាមពលខេត្តកំពង់ចាមថាអគ្គិសន្នីផ្តល់ប្រយោជនច្រើនដល់ប្រជាពលរដ្ឋតែនឹងផលគុណ វិប្បត្តិច្រើនរហូតដល់់ឆកយកអាយុជីវិតប្រសិនបើតបណ្តាញខុសបច្ចេកទេសខណៈលោកអះអាងថាមកទល់ពេលនេះក្នុងខេត្តកំពង់ចាមមិនទាន់មានបញ្ហាទាំងនោះទេ ។


លោកព្រាបវិច្ឆកាអនុប្រធានការិយាល័យថាមពលនិងប្រេងកាតនៃមន្ទីររែនិងថាមពលខេត្តកំពង់ចាមថាដោយមាន ការផ្សព្វផ្សាយច្រើនលើកច្រើនសារឲ្យប្រជាពលរដ្ឋយកចិត្តទុកដាក់ពីបញ្ហាឆ្លងចរន្តអគ្គិសនីមកទល់ពេលនេះខេត្តកំពង់ចាម មិនមានបញ្ហាណាមួយកើតឡើងនោះទេ ។


លោកបន្តថានៅពេលរៀបចំប្រព័ន្ធនៅក្នុផ្ទះប្រជាពលរដ្ឋតែងតែជួលអ្នកជំនាញខាងអគ្និសន្នីរៀបចំជូនដើម្បី បញ្ចៀសហានិភ័យកើតឡើង។លោកបន្ថែមថា ប្រសិនបើប្រជាពលរដ្ឋដែលមិនមានជំនាញតបណ្តាញដោយខ្លួនឯងនោះនឹងមានបញ្ហាប្រឈមដូចជាឆ្លងចរន្ត បណ្តាលឲ្យឆាបឆេះផ្ទះ ឬឆក់ស្លាប់ជាដើម ។


លោកបង្ហើបថាមន្ទីរនឹងស្មើសុំឲ្យមានជនបង្គោលនៅតាមមូលដ្ឋានដែលមានជំនាញទទួលបានការបណ្តុះបណ្តាពីមន្ទីរដើម្បីផ្សព្វផ្សាយ នឹងសម្រួលដល់ការរៀបចំប្រពន្ធអគ្គិសនីរបស់ប្រជាបលរដ្ឋ។( ដោយស៊ឹមខុនបញ្ញារ៉ា)

ស្តាប់វិទ្យុតាមអ៊ីនធើណេត

ទាញយកកម្មវិធីស្តាប់តាមទូរស័ព្ទ

ios         adriod

ទទួល​បាន​ព័ត៌​មាន​ថ្មីៗ​ពី​គេហ​ទំព័រ

ចំនួនអ្នកចូលរួមទស្សនា

ផ្សព្វ​ផ្សាយ​ពាណិជ្ជ​កម្ម​

Advertise No Ad

giphy 1
giphy 3
giphy 4
1s7spf