សិស្ស​​បោះ​បង់​​ការ​សិក្សា​​នៅ​កម្រិត​​​មធ្យមសិក្សា​​​មិន​មាន​ការ​​​ថយ​ចុះ​​

18033352 1239578419494740 1693587579733752651 n

បច្ចុប្បន្ន​ការ​បោះបង់​ការសិក្សា​របស់​សិស្ស​ភាគច្រើន​គឺ​នៅ​​កំរិត​វិទ្យាល័យ​ពិសេស​នៅតាម​បណ្តា​ទីជនបទ​ដែល​ពួកគេ​ត្រូវ​ចេញ​ទៅ​ធ្វើ​ការងារ​តាម​រោងចក្រ​កាត់ដេរ ​និង​ចំណាកស្រុក​ទៅ​ធ្វើការ​នៅ​ក្រៅប្រទេស​ដើម្បី​ដោះស្រាយ​ជីវភាព​រស់នៅ​ក្នុង​ក្រុមគ្រួសារ​។​ អត្រា​​នៃ​ការបោះបង់​ការសិក្សា​នៅ​តែ​បន្ត​កើតមាន​ បើទោះបីជា​រាជរដ្ឋាភិបាល​ និង​ក្រសួង​អប់រំ​យុវជន​និង​កីឡា​មាន​ការផ្សព្វ​​ផ្សាយ​​ជំរុញ​​កុំអោយ​មាន​ការបោះ​បង់កា​រ​សិក្សា​យ៉ាងណាក៏ដោយ​។​

​អ្នកស្រី ​វណ្ណ ​រ៉​ន ​រស់នៅ​ក្នុង​ឃុំ​ផ្តៅ​ជុំ​ ស្រុក​ជី​ង​ព្រៃ ​ខេត្ត​កំពង់ចាម​ បានមានប្រសាសន៍ថា​ នៅក្នុង​មូលដ្ឋាន​​នា​ពេល​បច្ចុប្បនេះ ​អ្នក​ស្រី​សង្កេតឃើញថា ប​ញ្ហា​បោះបង់​ការសិក្សា​នេះ​​គឺ​ដោយសារ​ឱ​ពុក​ម្តាយ​មាន​ជីវភាព​ក្រីក្រ​លំបាក​មិន​អាច​អោយ​កូន​សិក្សា​ទៅ​ទៀត​បាន​។​ អ្នក​ស្រី​ថា​ យុវជន​ដែល​បោះ​ការសិក្សា​ទាំងនោះ​ភាគច្រើន​ទៅ​ធ្វើការ​រោង​ច្រក និង​ចំណាកស្រុក​ដើម្បី​រក​ប្រាក់​ដោះស្រាយ​​ជីវ​ភា​ព​គ្រួសារ​។

​ចំណែក​​លោក ​ស្រ៊ុន​ ម៉ា​នី​ មាន​វ័យ​៥០​ឆ្នាំ ​បាន​លើកឡើង​ដែរ​ថា​ លោក​មាន​កូន​ចំនួន​៥​នាក់​ ដោយសារតែ​ជីវភាព​គ្រួសារ​ជួប​ការលំបាក​ទើប​សម្រេចចិត្ត​អោយ​កូន​ទាំងអស់​បោះបង់​ចោល​ការសិក្សា​នៅ​កណ្តាល​ទី​ ​ហើយ​​បច្ចុប្បន្ន​នេះ ​កូន​របស់​លោក​បាន​ទៅ​ធ្វើ​ការ​​នៅ​រោងចក្រកាត់ដេរ​នៅ​ភ្នំពេញ និង​ខ្លះទៀត​បាន​ធ្វើការ​រោងចក្រ​កំពង់ចាម។​

​លោក​ ខាវ​ដាយ​ ​រស់នៅ​ក្នុង​ភូមិ​ឃុំ​ជាមួយ​ប្រជាពល​​រដ្ឋ​ខាងលើ​ដែរ​នោះ​ បាន​លើកឡើង​ថា​ ទោះបី​ការ​បោះបង់​ការសិក្សាជា​​ជម្រើស​​របស់​មនុស្ស​ម្នាក់ៗ​ និង​លទ្ធភាព​គ្រួសារ​របស់​គេក៏ពិតមែន តែ​ប្រសិនបើ​អាជ្ញាធរ​នៅ​តែ​អោយ​អត្រា​បោះបង់​ការសិក្សា​នៅ​តែ​កើត មាន​កាន់តែ​ច្រើន​បន្ថែ​មទៀត នោះ​ធ្វើអោយប៉ះពាល់​ដល់​ការអ​ភិ​វឌ្ឍ​សង្គម​។ ​លោក​ថា​ ​អាជ្ញាធរ​​គ្រប់​លំដាប់ថ្នាក់ គួរតែបង្កើន​​​ការ​យក​ចិត្ត​ទុក​បន្ថែម​​ទៀត​ ដើម្បី​ធ្វើ​យ៉ាងណា​ផ្តល់​​លទ្ធ​ភាព​ និង​ឱកាស​អោយ​យុ​វជ​ន​ ​ដែល​រស់នៅ​ក្រុង​គ្រួសារ​មាន​ជីវភាព​ក្រីក្រ​ទទួល​​បាន​ការសិ​​ក្សាអប់រំគ្រប់ៗ​គ្នា។​

​ឆ្លើយតប​នឹ​ង​បញ្ហា​នេះ ត្រូវបាន​លោក​​ ហេង ចាន់ធី នាយក​វិទ្យាល័យហ៊ុនសែនផ្តៅ​ជុំ​ មានប្រសាសន៍​ថា ​លោក​ទទួ​ល​ស្គាល់​ដោយ​សារ​តែ​​កត្តា​ជីវភាព​មាន​ការខ្វះ​ខាត ​និង​កត្តាផ្សេងៗ​ទៀត ​ទើប​អាណា​ព្យាបាល​សម្រេចចិត្ត​អោយ​កូន​បញ្ចប់​ការសិក្សា​នៅ​កណ្តាល​ទី​។ លោក​បន្ត​ទៀត​ថា​ ដើម្បី​​ទប់ស្កាត់​ការ​បោះបង់​ការសិក្សា ​សាលា​តែងតែ​ធ្វើ​ការប្រជុំ​ជាមួយ​លោកគ្រូ​អ្នកគ្រូ​ដោយ​ធ្វើ​បច្ចុប្បន្នភាព ​​ស្រង់​ស្ថិ​តិ​​សិស្ស​​ និង​មាន​ការផ្សព្វផ្សាយ​ដល់​អាណា​ព្យាបាលពី​​តម្លៃ​នៃ​ការ​សិក្សា​ លើក​ទឹកចិត្ត​ឱ្យ​សិស្ស​បន្ត​ការសិក្សា​ទៀត​។​

​នាពេល​បច្ចុប្បន្ន​នេះ​អត្រា​ការ​បោះបង់​ការសិក្សា​របស់​សិស្សបឋមសិក្សា​មានការ​ថយ​ចុះ ប៉ុន្តែ​សម្រាប់​សិស្ស​ដែល​បោះបង់​សិក្សា​នៅ​ថ្នាក់មធ្យមសិក្សា​ ឬ​វិទ្យាល័យ​វិញ​នោះ ​ឃើញ​ថា ​នៅតែ​មាន​អត្រា​ខ្ពស់​ជាង​គេ​ ដោយសារ​ថា ​ពួកគេ​បោះបង់​ការសិក្សា​ដើម្បី​ទៅ​ប្រកប​​របរ​ចិញ្ចឹមជីវិត​ ​ពិសេស​ការងារ​រោងចក្រ​តែម្តង​។ ​នេះ​បើ​តាម​ការ​ឱ្យដឹង​របស់​រដ្ឋមន្ត្រី​ក្រសួង​អប់រំ​យុវជន​និង​កីឡា​នៅក្នុង​ពិធី​បើក​មហា​សន្និបាត​បូក​សរុប​កា​រងារ​ឆ្នាំ​២០១៦ ​និង​លើក​ទិសដៅ​ការងារ​ឆ្នាំ​២០១៧​កន្លងមក​៕​

​ផលិត​ដោយ​៖ ធឹ​ម សារ៉ន​

ស្តាប់វិទ្យុតាមអ៊ីនធើណេត

ទាញយកកម្មវិធីស្តាប់តាមទូរស័ព្ទ

ios         adriod

ទទួល​បាន​ព័ត៌​មាន​ថ្មីៗ​ពី​គេហ​ទំព័រ

ចំនួនអ្នកចូលរួមទស្សនា

ផ្សព្វ​ផ្សាយ​ពាណិជ្ជ​កម្ម​

Advertise No Ad

giphy 1
giphy 3
giphy 4
1s7spf